सौ. वैशालीताई नरेंद्रसिंग सुर्यवंशी यांनी सन २०११ साली “निर्मल इंटरनॅशनल स्कूल” या रूपाने ज्ञानाचे एक छोटेसे रोपटे पाचोरा-भडगाव परिसरात रोवले. उद्देश होता-आपल्या भागातील विद्यार्थ्यांना उत्कृष्ट शिक्षण देऊन त्यांना यशाच्या शिखरावर पोहोचविण्याचा.
विद्यार्थी कुशल अभियंता, प्रवीण डॉक्टर, तडफदार वकील किंवा प्रशासकीय सेवांमध्ये तेजस्वी IAS, IPS अधिकारी व्हावेत, एवढेच नव्हे तर त्यांचा सर्वांगीण विकास होऊन ते देशाचे सुजाण नागरिक बनावेत हा उदात्त हेतू डोळ्यांसमोर ठेवून या विद्यालयाची स्थापना करण्यात आली.

काळाच्या ओघात हे ज्ञानाचे रोपटे आज वटवृक्ष झाले आहे. अनेक विद्यार्थी आज देश-विदेशात उच्च शिक्षण घेत आहेत, विविध क्षेत्रांत मोठ्या पदांवर कार्यरत राहून समाजाची सेवा करत आहेत. त्यांच्या यशामुळे केवळ शाळेचेच नव्हे, तर त्यांच्या पालकांचे आणि गावाचे नावही उज्ज्वल झाले आहे.